Ако сте трудница во овие зимски денови, пожелно е да одржувате баланс помеѓу секојдневните активности и моментите на одмор и релаксација. Една од позитивните работи да бидете зимска трудница е тоа што во периодот кога ќе се радувате на првите прошетки со Вашето бебе во блискиот парк, времето веројатно ќе биде поубаво, сончево и топло.
Во овие зимски студени денови треба да внимавате на настинките и вирусите кои се насекаде околу нас. Помогнете му на Вашиот организам, останете здрава трудница така што ќе внесувате доволно течности и здраво ќе се храните. Деновите поминувајте ги во поопуштена домашна атмосфера со топол чај во рака. Одмарајте се и спијте доволно. Ви препорачуваме редовно да ги проветрувате просториите во кои престојувате, дури и ако надвор е студено. Кренете ги ролетните, тргнете ги завесите и пуштете ја сончевата светлина во собата, бидејќи свежиот воздух и сончевите зраци се лоши за микроорганизмите, а добри за Вашето расположение и за Вашето здравје.
Кога сте надвор од дома, обидете се да избегнувате затворен простор во кој престојуваат или поминуваат поголем број луѓе во текот на денот. Избегнувајте прослави со многу гости. Вирусните инфекции многу повеќе се шират во зима, а главен пренесувач се луѓето. Редовно мијте ги рацете, вирусните инфекции најчесто се пренесуваат преку контакт со други луѓе како ракување, преку кваки на вратите, копчиња во лифт, работни површини, маси во расторан и слично. Избегнувајте со рацете да го допирате лицето, очите, носот и устата. Внимавајте на актуелната КОВИД-19 пандемија. Веќе е докажано дека КОВИД-19 може да има посериозни симптоми доколку се разболете во текот на бременоста.
Токму затоа, парковите и прошетките надвор се добра алтернатива на пиењето кафе во некое преполно кафуле или шетање во шопинг центар. Кога ќе излегувате надвор во овие студени денови, облечете се убаво, топло и удобно. Со достапните модели на зимска облека за трудници, навистина ќе се чувствувате убаво и модерно додека уживате во ладните зимски денови. Носете обувки кои се ниски, со нелизгачка рапава долна површина, дајте им предност на безбедноста и функционалноста. Постојано внимавајте на Вашиот чекор, избегнувајте места кои се влажни, замрзнати или со закосена површина, бидејќи во зима може лесно да паднете и да се повредите. Било каква повреда или сомневање за повреда може да Ве изложи на прегледи, чекање по чекални, рендген зрачење и лекови, што не е пожелно во текот на бременоста.
И покрај ниските температури и ограничувањата во движењето кои ги наметнува пандемијата, обидете се Вашето расположение да го одржите на високо ниво. Комуницирајте со пријателките, правете го она што го сакате, а порано не сте имале време да го правите, посветете си повеќе време за себе. Севкупното позитивно искуство во текот на бременоста има големо влијание врз Вашиот развој како личност и како мајка. Позитивното искуство во бременоста може да влијае на Вашиот родителски стил, на Вашиот однос кон детето и кон партнерот, а може да влијае и на плановите за понатамошно проширување на семејството во иднина.
Во овие зимски студени денови треба да внимавате на настинките и вирусите кои се насекаде околу нас. Помогнете му на Вашиот организам, останете здрава трудница така што ќе внесувате доволно течности и здраво ќе се храните. Деновите поминувајте ги во поопуштена домашна атмосфера со топол чај во рака. Одмарајте се и спијте доволно. Ви препорачуваме редовно да ги проветрувате просториите во кои престојувате, дури и ако надвор е студено. Кренете ги ролетните, тргнете ги завесите и пуштете ја сончевата светлина во собата, бидејќи свежиот воздух и сончевите зраци се лоши за микроорганизмите, а добри за Вашето расположение и за Вашето здравје.
