Користено седиште за автомобил? Не, благодарам!
Дали е време да купите автомобилско седиште? Меѓу опциите што ви се достапни е и половно седиште за автомобил. Можеби изгледа како економичен избор, но користењето на вакво седиште за автомобил не се препорачува. Секое автомобилско седиште има своја историја, а во овој случај нема да знаете со сигурност како се користело и дали можеби учествувало во сообраќајна несреќа.
Оштетувања кои не се видливи со голо око
Производителите предупредуваат дека автомобилското седиште кое било вклучено во судир повеќе не нуди оптимална безбедност; може дури и да го загрози животот на вашето дете.
Ударните сили генерирани за време на судири, сообраќајни незгоди предизвикуваат стрес и структурна слабост во обвивката на седиштето на автомобилот и може да предизвикаат мали пукнатини и оштетувања на материјалот, затоа се препорачува да се замени седиштето на автомобилот по сообраќајна несреќа.
Во случај на сообраќајна незгода, заради компензација од вашата осигурителна компанија (ако ова е дел од покривањето на вашата осигурителна полиса), ви помагаме да добиете потврда од производителот што докажува дека седиштето на автомобилот повеќе не е безбедно за понатамошна употреба. Ве молиме контактирајте го нашиот продажен персонал за повеќе информации.
Што е со староста на седиштето во автомобилот?
Важна е и староста на автомобилското седиште и условите под кои се чувало. Со староста и изложеноста на различни температурни и временски влијанија се менуваат одредени својства на материјалите од кои е направено седиштето на автомобилот (пластика, пена, стиропор).
Производителите предупредуваат дека материјалот може да ги изгуби оригиналните својства, што значи дека седиштето на автомобилот повеќе не ја обезбедува истата безбедност. Периодично проверувајте ја годината на производство на автомобилското седиште; животниот век на повеќето седишта е некаде помеѓу 6 и 10 години (во зависност од производителот). Проверете ги информациите во упатствата за употреба.
Дали сте знаеле дека ?
• Дека автомобилските седишта имаат рок на траење. Консултирајте ги упатствата на производителот за точни информации.
• Дека дури и мал судир или удар може да ја загрози оригиналната безбедност на седиштето на автомобилот.
• Да се загрози детето при купување половно седиште за во автомобил. Многу е веројатно дека седиштето на автомобилот повеќе ги нема истите безбедносни карактеристики како нов производ.
Одберете паметно
Во нашите продавници ви нудиме широк асортиман на различни модели на препознатливи брендови, за сите возрасни групи, за сите типови возила и пред се во различни ценовни рангови - најдете безбедно столче во финансискиот опсег што ви одговара. Не го загрозувајте вашето дете со користено седиште за автомобил.
Ви посакуваме безбедно патување!
Ваш Baby Center