„Преку доењето моето тело и моето постоење станаа основа на животот на моето бебе. Јас не сум повеќе само суштество кое живее на овој свет, јас сум цел свет за моето малечко бебе.“ - Сара Мангусо
Доењето и силната врска која се воспоставува од ден во ден додека го доите Вашето бебе ја покажува моќта на љубовта на дело. Како што постепено се поврзувате со Вашето бебе по породувањето, го запознавате, го сакате и го засакувате се повеќе, хормоналната контрола на лактацијата и ослободувањето на млекото станува се посилна, па и млечноста се зголемува. За контролата на создавањето и течењето на млекото во градите е одговорна хипофизата, мала жлезда на базата на мозокот, а особено хормонот Окситоцин, наречен уште и хормон на задоволството. Со секоја прегратка, галење, поглед во очите на бебето, мајката е преплавена од овој хормон кој ја разнежнува и предизвикува млекото да потече од градите и бебето лесно да цица. Така, преку доењето, од ден во ден се зацврстува врската на мајката и бебето. Ако сте мајка која не дои, обидете се да воспиставите врска со Вашето бебе додека го храните, и искористете ги овие драгоцени моменти. Стресот и анксиозноста се значајни блокатори на окситоцинот и може да го намалат или блокираат ослободувањето на млекото од градите. Затоа е важно кога доите да бидете смирени, опкружени со убава енергија, да имате при рака се што ќе Ви биде потребно за удобност во текот на процесот на доење и хранење.
Со секоја прегратка, галење, поглед во очите на бебето, мајката е преплавена од овој хормон кој ја разнежнува и предизвикува млекото да потече од градите и бебето лесно да цица. Така, преку доењето, од ден во ден се зацврстува врската на мајката и бебето. Ако сте мајка која не дои, обидете се да воспиставите врска со Вашето бебе додека го храните, и искористете ги овие драгоцени моменти. Стресот и анксиозноста се значајни блокатори на окситоцинот и може да го намалат или блокираат ослободувањето на млекото од градите. Затоа е важно кога доите да бидете смирени, опкружени со убава енергија, да имате при рака се што ќе Ви биде потребно за удобност во текот на процесот на доење и хранење.
Кога и како да се подготвите за доењето?
Потребно е да имате соодветни и точни информации, но сепак умерено да читате и да не навлегувате премногу во темата. Премногу информации и преобемно читање на темата може да Ви направат дополнителен стрес. Кога ќе се породите, треба да побарате контакт со бебето веднаш по раѓањето, доколку нема некакви објективни медицински причини за да не се воспостави првиот контакт. За ова може да разговарате со акушерката, гинекологот и неонатологот уште пред раѓањето. Контактот кожа-на-кожа (Skin-to-skin, S2S) веднаш по раѓањето се нарекува „Златен час“, треба да трае 1-2 часа и е многу драгоцен за понатамошно лесно и непречено доење. Поддршката која ќе ја добиете во болницата каде ќе се породите е многу важна, надополнета со поддршката за доење која ќе ја добиете кога ќе дојдете дома, од стручен и искусен советник/консултант за доење. По доаѓањето дома треба да доите често, да се храните добро и да пиете многу течности.
Важно е како ќе го позиционирате бебето во Вашата прегратка или покрај Вас додека лежите, важно е и како бебето ја прифаќа брадавката или популарно наречено Latch-on. За да успеете важно е да бидете опуштени, смирени, рамената да Ви бидат олабавени, а бебето удобно да биде сместено во вашиот скут, на соодветна подлога, перница за доење или слично. Обидете се повремено да ги менувате позициите за доење додека ја најдете позицијата која најмногу Ви одговара Вам и на Вашето бебе. Најголем број парови мајка-бебе немаат проблем и лесно започнуваат со доењето, но ако имате проблем, не се двоумете да побарате помош.
Најважно е да знаете дека емоциите и љубовта се тие кои го започнуваат и одржуваат доењето. Тука многу е важна и љубовта и емоциите меѓу партнерите, поддршката која ја дава таткото, како важен фактор за смирена мајка и најадено бебе. Емоционалните и хормонални промени кои се случуваат по породувањето се одличен механизам и подлога за правилно и лесно доење. Затоа Ви препорачуваме да се подготвите, да се опуштите и да уживате во прекрасните мигови кои ги носи доењето. Полека ќе гледате како Вашето бебе расте во вашата преграка, полека зајакнува и постепено ја презема контролата врз тоа кога и колку цица... и тоа е сосема нормално.
Организацијата Лулка во соработка со Baby Center го афирмираат доењето. За удобност во текот на доењето, Baby Center ги препорачува текстилните производи од колекцијата Bubaba by FreeON, специјално дизајнирани и изработени во согласност со Oeko-Tex 100 стандардот за одржливо производство и тестирани за штетни материи. Препорачаните производи се рачно изработени, специјално дизајнирани за полесно прилагодување на бебето на новата средина. Вреќите за спиење, гнездата за бебиња, бебешките постелнини во слатки дизајни и секако перниците за доење, нудат удобност како за мајките така и за бебињата, создавајќи безбедно засолниште на бебето, чувство на нежност и пријатна мекост, кои со својот модерен и совршен изглед убаво ја комплетираат секоја детска соба.
Автори на текстот:
Марија Ивановска
д-р Денис Ал Кхалили
Организација Лулка
